أنقطع حبل الحيــاه اللي نحــاول نمسكه

اندعيـنا للثريـا ملتقـى كـل النجوم
............. ملتقى أهل الثقافة في شمـال المملكه


يعلم الله انّا كسبنـا يوم جينـاهم بسوم
............. بلدةٍ يا زين اهلهـا طيبهـم ما تدركه


والمعزب يشهد الله ما نسى كل القروم
............. يتني الغايب ويعذر من ظروفه منهكه


من هنا بابدا القصيده بعد ما صارت تحوم
............. فكرةٍ لو هي ببالـي في بعظها مشلبكه


قالوا ان البحر هادي بس من يقدر يعوم
............. قالوا ان الصيد واجد يمكن تلاقي سمكه


قلت اروح اسبح عساني لا سبحت انسى الهموم
............. بلكي اقتل كل قـافٍ قد عصاني وافتكه


صرت ماشي في طريقي واعترضني فيه بوم
............. قام ينصحني تراجـع ذا طريق التهلكه


قمت افكّر في كلامه واتحزّر كل يوم
............. كنّي اللي في طريقـه رايـحٍ للمعركه


ثم صرخت بصوت عالي ما يخاف الا الرخوم
............. قوم ياموج القصيد ولاتصير المضحكه


جيت اصيد البحر كله ومالي بكثر العلوم
............. جيت متوكل على الله ومن بدربي أدهكه


ما حسبت حساب وادري لا وقعت اقدر أقوم
............. دام بي مـوجٍ يطـوّع كـل خشمٍ يفركه


صارت الدنيا مظاهر والمظاهر ماتدوم
............. وانقطع حبل الحيـاه اللي نحـاول نمسكه


وانخفض سعر الأوادم وارتفع سعر اللحوم
............. وأنتشر لحس الأصـابع والأمـور متكتكه


صارت العيشه مصاري كي تعش ادفع رسوم
............. وان كرهت العيش سافر شف طريقك واسلكه


إلى متى الجيعان يصبر؟ كم شهر لازم يصوم؟
............. كم سنـه يتعب ويشقى! حتـى يلقـى مفرّكه


والى متى العريان حافي عايش بليّا هدوم؟
............. دام عـاجـز يشـتريهـا والضـواري تفتكه


ما بقى باليد حيله لا ولا حتى عزوم
............. لا ولا أيـت وسيـلـه والــدروب مشوكه


زادت أرقام العوانز والطلاق بكل يوم
............. كم طفل صـار الضحيّه ... يـوم أمّه تتركه


والشباب اليوم ضاعوا من ورى شرب السموم
............. لو تشوف اجسـاد تمشـي القلـوب مفتركه


واجد اللي ما ذكرته لو احد فكّر يلوم
............. والبشـر تدري وتجهـل بـ الرموت محرّكه


ماعلي من القصيده وما علي من الهجوم
............. ودّي اتـرحم عجدّي وادرك اللـي ما ادركه



راقت لي

ششكراا لكك

شكرا على الموضوع المميز ننتظر جديدك

شگرآ على آلموضوع آلمميز ننتظر چديدگ

موضوع قيم

مشكور على الجهد الطيب

بارك الله فيك