قصـيدة ـالآمـتع ــه .. للشـآعر / حمد البريدي

قصـيدة ـالآمـتع ــه .. للشـآعر / حمد البريدي

مـــــسآئكـــم شعـــر

قصيدة قرأتها فـ أعجبتني ، للشاعر / حمد البريدي
أتمنى تعجبكم



,


إلى متى يا " ضيقه الخاطر" على مجرى الوريد
ماعاد باقي من دمي قطره مهي مستوجعه !

انا دخيلك يا وفا قلبي تسافر بي بعيييد
طموحك " الربّان " وجروحك بـ قلبي الامتعه !
وجه الزمن ماعاد يغري .. وانقفل باب البريد

وانته " وفاي " اللي لو أخدع دنيتي ما أخدعه !

لا صارت الدنيا مصالح ، والوفا ؟ كم فـ الرصيد !

انوْ السفر يم الأمل وأفرد جميع الأشرعه !!

بس البلا لا صارت أمواج " التعاسه " من جليد

وإن صاح جرحك ما لقيت اللي يحن ويسمعه : (

من لا يقدّر خوتي .. فـ " أبرك سنة " فرقـاه عيد

أما " الرفيق الغالي " إليا غاب .. خذ قلبي معه !!

البارحه هبت هواجيسي فـ صدري من جديد

سوالف ٍ تشره على قلبـي بـ حلم ٍ ضيعـه !

لاهنت يا " جرح الزمن " حققّ مرادك ما يريد

أهديت للخافق جروح .. وهو رفع لك قبعه !!

يا ويل حالي من شقى اللوعة ويا قطع الوريد !

على آخر جروح الصداقه ، والطعون الموجعه

قلبي " مصفّي نيته " لو كل من حوله ضديد !

يبقى ( الجبل ) مهما وطته الريح ما هي تزعزعه !

من طاح من عيني ماعاد يهم ينقص أو يزيد !

اللي ينزل قدره بـ نفسه .. هو اللي يرفعه !!

" ريّحت قلبي " من عنـا الدنيا وانا اللي مستفيد

ما دام قلبي .. ما لقى في الوقت شي ٍ يقنعه !!

إلا رفيق ٍ يجبر الكسر .. وعلى الشده عضيد

هذا منى قلبي عـلى الدنيا وهذا مطمعه .. !!

أضحك لو أن الضيقه اللي في الحنايا تستزيد

لين أقهر الضيقه وأخليها تفارق فـ السعه !!

لا خانك الوقت الردي " وما للحديد إلا الحديد "

اللي شراك أهده وفـا .. واللي خذل عهدك بعه

تمشي المقادير بـ هوى الراضي وتلعب بـ العنيد

صدق اللي قال إن طاعك " الوقت الردي " ولا طعه !

العمر بـ أيامه قطار .. وراكب ٍ سكة حديد !

و تمر لحظاته ما بين المحزنه و الممتعه !!

كل الحياه دروس والدنيا عبر والمستفيد !!

اللي خذا من ( جمله الدنيا ) دروس ٍ تنفعه

,
,
اتمنىا تعــجبكــم .. كل الـود ...

ما اروعه من كلام
وما الطفه من تعبير
ككككثير رائع

شكرا شعر روووعة


تحياتي

شششكررا لك

موضوع قيم

بارك الله فيك

وجعله فى ميزان حسناتك