يوميات راضي و راضية... وليلة العيد

راضي: " يا ليلة العيد آنستينا و جددتي الأمل فينا يا ليلة العيد"
الله الاغنية الجميلة دي على التليفزيون..كل سنة و انتي طيبة يا راضية.

راضية: وانت بخير وسعادة وهنا يا غالى ولا يحرمنى ابتسامتك ولا حنيتك عمرى يارب ... ودايما ليالى العيد ما تحلى الا بنورك يا نوارتنا.. باقول ياراضى اشتريت لى الحاجات اللى قلت لك عليها ؟



راضي: ايوه اشتريت لك مناقش الكحك و ماكينة البسكوت.. هو انا اقدر انسى.. اغسلي انتي بقى الصاجات و الحقيني بالعجينة و تعالى نعمل سوا كحك العيد

راضية: كل حاجة جاهزة وتمام والعجين كمان اصبح بالوقت المضبوط لاننا نبدأ وادينى كمان جيت اهوة يالااا ياسيدى ورينا الشطارة ههههههههه



راضي: هههههه من حق متنسيش تنضفي البيت و تغسلي السجاد عشان الولاد لما يجوا يعيدوا علينا بكره يلاقوا كل حاجة تمام

راضية: ياخبر ياراضى انت فاكرنى ايه ماكينة ؟؟؟... الرحمة مش كدا ... هههه وبعدين هو لسانى هاستنى كل حاجة جاهزة عالفرش مش كفاية الكحك اللى مأخرنا به لدلوقتى



راضي: حبيبتي انا عليا أكل و بس ههههههه و كفاية قوى اني وافقت اساعدك في الكحك و البسكوت

راضية: ما ننحرموووووووش ياسيد الناس ... ما هو لولا مش عايزة اكسر بخاطرك لانى عارفة انك بتعشق الكحك وعمايله كنت خلصت منه من زمن ... ههههههههههه نعملوووو ايه بس ما بنقدروووووووووش نزعلوووك يا غالى...
وبعدين ايد على ايد تساعد يا قلبى ولا ايه ..؟؟!!!!



راضي: الله يرحمك يا ستي الامر لله حاضر هساعدك.. من حق عاوزين بعد ما نخلص الكحك و السجاد نجهز الترمس و الفول السوداني عشان القرايب و الجيران اللى هيعيدوا علينا بكره

راضية: يا نور عينى شاغل حالك بكل حاجة والله جهزت لعيونك الترمس والحلبة ... واشريت السودانى ونحمصوووه بطوار التسوية طوالى ... وكمان نسيت انك اشتريت لنا الملبس والتوفى لعيون الغاليين حبايب قلب ستهم وجدهم ... كل حاجة يا حبيبى هتلاقيها جاهزة ومتوضبة بعد صلاة العيد ترجع منها بالسلامة ونستنوااا بقا الحبايب والقرايب والغاليين



راضي: يا سلام عليكي يا حبيبتي مبتنسيش حاجة ابدا

راضية: طيب جهزت النقدية الجديدة للعيديات امااااال ؟؟؟



راضي: هو انا اقدر انسى ..مجهز عيديتهم من دلوقتي و لما يجيوا بكره يزورونا هديها لهم... كل سنة و انتي طيبة يا حبيبتي دي العيدية بتاعتك ؟

راضية: يارب ما يحرمنى منك ... يا نور عمرى انت عيديتى واحلى حاجة بدنيتى ياغالى يا ابو الغاليين



راضي: من حق عاوزين بكره ان شاء الله نروح نعيد على باباك و مامتك الله يرحمهم و نقولهم كل سنة و انتم طيبين و نقرا لهم الفاتحة

راضية: نعيد آآآه ... ماشى ياراضى ان شاء الله ولو انى باقول خلونا نفرحووو بالعيد ونبقى نروحووو بعد ما ييجووو الولاد ونعيدوا سوا يعنى خليها بعد العيد ياراضى ... بلاش نجددوا الاحزان بيوم فرح يا غالى ... ربى يبارك لى بعمرك



راضي: حاضر..تعالى بقى قبل ما نبدأ في عمايل الكحك ننزل مع بعض اشتري لك ملابس العيد..من حق نفسك تشتري ايه السنة دي ؟

راضية: حبيبى طول مانت منور حياتى ما نفسيش بحاجة بعد كدا وبعدين ما هنلحقوش ياراضى دا ربنا خلق الدنيا فى ست ايام عايز انت ننهوها بيوم ، الرحمة ياراضى ... وبعدين ياغالى انت مش مخلينى نفسى باى حاجة




راضي: أصيلة يا راضية ، حبيبتي العيد الحقيقي هو كل يوم سعيد يمر علينا و احنا دايما مع بعض و بنحب بعض... هو ده العيد الحقيقي يا راضية

راضية: فعلا يا راضى هو دا العيد الحقيقى ... ويارب ما يحرمنى من دخلتك علينا ولا طلتك اللى بتنور ايامى ... كل سنة وانت طيب وبخير وهنا وتمام العافية وسُعداء وانت مضلل علينا يا ابو الغاليين.

تسلم