يوميات راضي و راضية... عريس ليلى

يوميات راضي و راضية.. وعريس ليلى




راضية: فنجان القهوة ده مضبوط وعملاه قنديل بيتنا الغالية ليلى لعيون باباها يا سيدى ماااشى ناس ليها قهوة وناس هههههه الا بالحق با ابو ليلى بكرة بعد صلاة العشاء بلاش تتأخر زى كل ليلة لماان جايلنا ضيوف

راضي: ضيوف... ضيوف مين و جايين لنا ليه بكره .. خير اللهم اجعله خير




راضية: خير يا حبيبى طبعا وكل خير ولا احلى من كدا خير ده عريس لبنتنا ليلى وبيستأذونوا يشرفونا لأجل نتعرف والولاد يتعرفوا على بعض ويارب يجعل القبول من عنده يارب

راضي: عريس لبنتنا ليلى ؟.... دي لسه صغيرة و لسه بدري عليها




راضية: ههههه بدرى من عمرك يا ابوليلى ... دى كلها سنة وليلى تبقى مدرسة قد الدنيا ... يدووب ياراضى قال صغيرة قال ههههههه

راضي: يعني منتيش عارفة عرسان الايام دي... تلاقيه طمعان في فلوسها و لا دلوعة اهله و لا يكون فيسبوكي من إياهم




راضية: لأة ... هو مش كده خالص اصل سألت الواسطة الست ام حنان جارتنا والله قالت فيه كلام جميل ما شاء الله ولد طيب وبيصلى يعنى عارف طريق ربنا وكمان طبيب صيدلانى يا راضى واهله ناس مأصلين وطيبين من الصعيد نواحى قنا كده

راضي: ولا يمكن تكون امه نكدية و حماتها تسود عيشتها ليل مع نهار.. يا عيني يا بنتي



راضية: ههههههههه ياعينى يا بنتك ايه ياراضى يا خويا انت هتقدم البلا قبل وقوعه ليه ... وبعدين ادينا هنتقابل بهم بكرة وشوف واسأل واشرط اللى يرضيك يا غالى ... واعرف كل البيانات اللى تحتاجها واسأل براحتك بس ادعى يارب يكون فى قبول يارب ... يارب يتمم لك بخير يا بنت عمرى وقلبى وحباية عينى ويفرحنى بك يارب

راضي: يعني العريس مفيهوش عيب خالص.. ملاك يعني و لا ايه ؟



راضية: يووووه ياراضى .. اهو بكرة هتشوفه ملاك ايه بس هو فى ملايكة بتعيش عالارض ... يا خويا لو كل اب هيعمل زيك كدا مكنش فيه بنات اتجوزت ، الرحمة ياراضى وادعى يارب يقدم الخير

راضي: يا راضية يا حبيبتي يعني لما ليلى تتجوز مين يراعينا ... مين يسأل فينا.... احنا نربي و يجي غيرنا ياخد على الجاهز..




راضية: واحنا فى ديك اليوم يا راضى ... هى دى سنة الحياة يا حبيبى وهى دى رسالتنا اللى مش هتكمل الا لما نطمنوووو عليها ببيت عدلها ... يارب يبخت لك يا بنتى يارب


راضي: دي البنت الوحيدة اللى طلعنا بيها من الدنيا و هي احن علينا من كل الولاد




راضية: وهتفضل يا غالى حنينة علينا دى تربيتنا واحنا ربيناها على الاصول ومراعاة مرضاة الله وهتفرح كدا وهى جاية وعيالها ينادووو لك ياجدو وهى فرحانه ومتهنية ولا ترضى لها تعنس وتقعد جانبينا يا خويا لأ والله ما استحملها ابدا ياراضى الشر بره وبعيد يا حبيبتى يارب يهنيها ويفرحنى بها يارب


راضي: عنوسه.... كله الا العنوسه... بس مفيش فترة خطوبة.. كتب كتاب على طول احسن يكون من الشبان اللى بيتسلوا مع بنات الناس والحجة ايه انه خطيبها




راضية: واحنا بنتنا زى البنات دى برضك ... لأ يا راضى اطمن لكن يا خويا انا مش معاك فى موضوع كتب الكتاب ده .. انت عارف انه مفروض يبقى قبل الفرح بفترة قريبة ... وبعدين بردك الخطوبة بس اولى البنت تتعرف على الولد وبعدين افرض النصيب ما تمش نبقى حملنا البنت جوازة عالفاضى .. لأ ياراضى


راضي: انا لازم اقعد معاه الاول و اتكلم معاه.. و المثل بيقول الجواب بيبان من عنوانه و نظرتي في الناس مبيتخيبش




راضية: ماااااااشى يا خويا ومااااالوووو اعمل اللى يرضيك ويطمن قلبك ربنا يبارك لنا فيك ولا يحرمها ابدا منك ولا من حنيتك ما انت سندنا وسندها يا غالى ... وبعدين بردووو هنشوف راى البنت ونتشاورووو سوا امااال ايه ... هى دى الأصول


راضي: فعلا عندك حق البنت هي صاحبة القرار لان دي حياتها و مستقبلها و طالما انتي موافقة يا راضية يبقى نقابلهم بكره و على خيرة الله




راضية: يا نهار الهنا يا ابوليلى ... ايوة كدا ياراضى فرحة قلبى الهى يفرح قلبك ويسعد ايامك ويرزقك برزقنا من وسع ولايحرمنا حنيتك وخوفك علينا على بركة الله ويارب يقدم الخير بإذن الله ياابوليلى

تسلم