يوميات راضي و راضية.. وكحك العيد

راضية: باقول يا راضى دى مطالب كحك العيد والذى منه يا خويا كل سنة وانت بخير وعافية ولا يحرمنا منك ابدا

راضي: كحك العيد.... هو كل سنة ؟ مش لازم السنة دي يا راضية



راضية: معقول ياراضى ييجى العيد من غير كحك ليه ياخويا الفال الوحش ده ... يارب يخليك لينا

راضي: مش معترض بس احنا بقينا اكبر بلد مستورد للقمح في العالم...يعني لو نبطله سنة و نعمله سنة اكيد حال بلدنا هيتعدل شويه و انا قلبي على البلد




راضية: يعنى هى هاتيجى من 3 ولا 4 كيلوا كحك اللى هنعملهم ... هم دول اللى هيكسروا ظهر البلد يا خويا البلد تخلى قلبها علينا حبتين الرحمة يا راضى ... هو احنا بنفرحوووو بالعيد كل يوم

راضي: انا مستعجب يا راضية ازاي يبقى عندنا نهر وارض و شباب عاطل ونبقى اكبر مستورد للقمح في العالم




راضية: والله عندك حق حقيقى ... لكن طول ما احنا بنبور الاراضى الزراعية ونبنوووو عليها طوب ومسلحات لازمن نستوردوا يا راضى يعنى احنا بنزيد والموارد المتاحة بتقل

راضي: طب يا حبيبتي طالما مصممة يبقى نجيبه جاهز اوفر لنا و اهو مركون في المحلات و بيقول يا كحك مين يشتريك و للحبايب يهديك.



راضية: جاهز مين دا ... لا لا الا الجاهز ... هو الكحك عمايل بس لأ دا الفرحة كلها بعمايله كدا ونتلم مع الجيرة والحبايب وننقشوه ونسوه ... يااااه هى دى الفرحة لأ لأ مالكش حق ياراضى ... آل نشتروه جاهز قال

راضي: وهي يعني اللمة متحلاش غير قدام صواني الكحك



راضية: أمااااااااال ... لأ وكمان هنعملوووو شوية بسكويت وغريبة وبتى فور ... وهو احنا لنا بركة الا الحاج راضى

راضي: وكمان بسكوت و غريبة ... يعني المرتب طار... الله يكون في عونك يا جيبي



راضية: ههههههههههههه يا غالى ربنا ما يحرمنا منك ولا من كرمك ووسعك علينا هو احنا يعنى لنا مين غيرك يارب دايما متهنيين بعزك

راضي: طب ايه رأيك نعمل الكعك بعد العيد تكون الاسعار نزلت وتكون الميزانية ارتاحت شويه



راضية: وهو بعد العيد ينفتلوووو كحك ياراضى ... ياربى هو كل سنة لاومن لنا المناهدات دى ياراضى وبالنهاية ياخويا ما بنهونش عليك ...ههههههههه

راضي: حبيبتي من حق انتي مش كنتي نباتية و عامله ريجيم و اعلنتي المقاطعة للكحك و الكوليسترول هههههههه ايه اللي غيرك؟



راضية: طيب ما الكحك نباتى وبعدين هو احنا بنعملووووه ولا بناكلووووه كل يوم نعيدوووو ياراضى ونكسروا الرجيم والمقاطعة ... وبعدها وياك ياراضى ...

راضي: الامر لله نعمل كحك العيد و بسكوت العيد و غريبة العيد و ان شا الله محد حوش

تسلم