يوميات راضي و راضية... انتخابات بلدنا

راضي: ايه صوت المكرفون العالي اللى تحت في الشارع ده ؟


راضية: باينها هتافات الانتخابات يالااا يومين وهيعدوا



راضي: يقوموا يجمعوا الناس بالطريقة دي.... بالذمة دي تبقى انتخابات


راضية: ايوة هى دى انتخابات بلدنا ... يكونش عندك اعتراض ولا حاجة هههههههههه



راضي: الحقي ده بيقول للستات الغلابة اللى مبيعرفوش يقروا و يكتبوا حطي علامة عند الدايرة الزرقا.......


راضية:يوووه يا راضى ... اش حال ما انت عارق البير وغطاه ...
الانتخابات دى مناظر بس ... يووووه دا اللى مستخبى اكتر ...؟؟!!



راضي: بذمتك دي تبقي انتخابات نزيهة.... و ازاي يتساوى في النهاية صوت الجاهل مع صوت الجامعي و المثقف؟



راضية:انتخابات نزيهة ..؟؟!!! والله جيت عالوجيعة ... وهو لو عمرنا عملنا انتخابات نزيهة
كان يبقى ده حالنا ...قال نزيهة قال ...

ولا تكون تقصد نزيهة بنت عمك والله كانت الحاجة نزيهة طيبة الله يبارك بعمرها دى بركتنا والله ..




راضي: ربنا يخلي لنا الزيت و السكر و يجعل بيوت المحسنين عمار هههههههههه


راضية:امااااال على الاقل نبقوووو طلعنا من وجع الراس ده بحاجة وزيت وشوية سكر
اصبحوااا غنيمة دلوقتى بس قول يا خويا حد يعبرنا لا نكون مش متسجلين بالكشوف ...
استنى كده ...؟؟؟!! هههههههه




راضي: والله انا شايف ان الحل يبقى ان اي تيار يفوز بالاغلبية لازم اغلبيته تشمل القاهرة و اسكندرية زي اوروبا كده يا راضية اي قرار يتم هناك بالاغلبية لازم يكون من ضمن الاغلبية المانيا و فرنسا....
ولا انتي شايفة الحل ايه ؟



راضية:والله يا راضى انى شايفة اقوم اعمل الفطور اولى يا خويا بلا فرنسا بلا المانيا ...
ونبطلوووو نحلمووو بالمستحيل ... احنا نتعاركووو بالاسلحة البيضا ... نمسكوووو بشواشى
بعضينا ونفرجوووو الناس علينا ... بدرى قوى ياراضى على احلامك ...
يارب يبلغك يا خويا واهو بردك طولت العمر ليك

شكرا